PCPNDT చట్టాన్ని తప్పక పాటించాలి
కుప్పం: కుప్పం రెవెన్యూ డివిజన్ పరిధిలోని అన్ని స్కానింగ్ కేంద్రాలు, ప్రైవేట్ ఆసుపత్రుల నిర్వాహకులు PCPNDT చట్టం నిబంధనలు, మార్గదర్శకాలను తప్పనిసరిగా పాటించాలని PCPNDT సబ్‌-డిస్ట్రిక్ట్ స్థాయి కమిటీ హెచ్చరించింది.
చట్ట నిబంధనలకు విరుద్ధంగా వ్యవహరించే స్కానింగ్ కేంద్రాలు, PMP, RMP ప్రాక్టీషనర్లపై ఇకపై ఉపేక్షించేది లేదని కమిటీ స్పష్టం చేసింది. నిబంధనలు ఉల్లంఘించినట్లు గుర్తిస్తే చట్ట ప్రకారం కఠిన చర్యలు తీసుకుంటామని హెచ్చరించింది.
కుప్పం రెవెన్యూ డివిజన్ పరిధిలో వైద్య సేవల నిర్వహణలో PCPNDT చట్టాన్ని ప్రతి ఒక్కరూ తప్పనిసరిగా పాటించాలని కమిటీ సూచించింది. ముఖ్యంగా స్కానింగ్ కేంద్రాల నిర్వహణ, రికార్డుల నమోదు, నిబంధనల అమలు విషయంలో నిర్లక్ష్యం వహించరాదని పేర్కొంది.
చట్టవిరుద్ధంగా లింగ నిర్ధారణ పరీక్షలు నిర్వహించడం లేదా PCPNDT చట్ట నిబంధనలను ఉల్లంఘించే విధంగా వ్యవహరించడం వంటి చర్యలకు పాల్పడితే సంబంధిత వ్యక్తులు, సంస్థలపై నిబంధనల మేరకు చర్యలు తీసుకుంటామని కమిటీ స్పష్టం చేసింది.
ఈ మేరకు కుప్పం రెవెన్యూ డివిజనల్ అధికారి, PCPNDT సబ్‌-డిస్ట్రిక్ట్ స్థాయి కమిటీ చైర్‌పర్సన్, కమిటీ మెంబర్ కన్వీనర్, కుప్పం డివిజన్ డిప్యూటీ డీఎంహెచ్‌ఓ, కమిటీ సభ్యులు హెచ్చరికలు జారీ చేశారు.
