దీపావళి వేడుకల్లో జాగ్రత్తలు తప్పనిసరి

టపాసులు కాల్చేటప్పుడు ప్రమాదాల నివారణకు ఈ సూచనలు పాటించండి

• కళ్లలోకి నిప్పురవ్వలు, పొగ వెళ్లకుండా సేఫ్టీ గ్లాసులు ధరించాలి.

• టపాసులు కాల్చేటప్పుడు కాటన్ దుస్తులు ధరించాలి.

• పిల్లలు టపాసులు కాల్చే సమయంలో పెద్దలు తప్పనిసరిగా పర్యవేక్షించాలి.

• విద్యుత్ తీగలు, వాహనాలు, గ్యాస్ సిలిండర్లకు దూరంగా టపాసులు కాల్చాలి.

• ప్రమాదాలు జరిగినప్పుడు ఉపయోగించేందుకు నీళ్లు లేదా ఇసుకతో నింపిన బకెట్లను దగ్గరలో ఉంచుకోవాలి.

• క్రాకర్స్‌ను చేతిలో పట్టుకొని కాల్చకూడదు. సీసాలు లేదా డబ్బాల కింద పెట్టి పేల్చకూడదు.

• టపాసులు కాల్చిన తర్వాత సబ్బుతో చేతులను శుభ్రంగా కడుక్కోవాలి.

జాగ్రత్తలు పాటిద్దాం.. సురక్షితంగా దీపావళి జరుపుకుందాం!