కృష్ణా జిల్లాకు బదిలీపై ప్రిన్సిపల్ సివిల్ జడ్జి నరేంద్రరెడ్డి

ప్రస్తుతం చిలకలూరిపేట ప్రిన్సిపల్ సివిల్ జడ్జిగా విధులు నిర్వహిస్తున్న కె. నరేంద్రరెడ్డి కృష్ణా జిల్లాకు బదిలీ అయ్యారు. కృష్ణా జిల్లాలోని 8వ అదనపు జ్యుడీషియల్ మేజిస్ట్రేట్, మున్సిపల్ మొబైల్ కోర్టు-కమ్-8వ అదనపు సివిల్ జడ్జి (జూనియర్ డివిజన్)గా ఆయన నియమితులయ్యారు. చిలకలూరిపేటలో సివిల్ జడ్జిగా పనిచేసిన కాలంలో నరేంద్రరెడ్డి పలు కీలక సేవలు అందించారు. న్యాయపరమైన అంశాల పరిష్కారంలో తనదైన శైలిలో విధులు నిర్వహించారు. తాజాగా కృష్ణా జిల్లాకు బదిలీ కావడంతో విజయవాడలో ఈ నెలాఖరులో కొత్త బాధ్యతలు స్వీకరించనున్నారు.