అమీర్‌పేట్ రోడ్డులో ప్రైవేట్ బస్సు బ్రేక్‌డౌన్

పిల్లర్ నంబర్ 1062 వద్ద వాహనాల రాకపోకలకు అంతరాయం

హైదరాబాద్, నవంబర్ 9 (ఎన్ టుడే న్యూస్):

హైదరాబాద్‌లోని అమీర్‌పేట్ రోడ్డులో ప్రైవేట్ ట్రావెల్స్ బస్సు బ్రేక్‌డౌన్ కావడంతో వాహనాల రాకపోకలకు అంతరాయం ఏర్పడింది. పిల్లర్ నంబర్ 1062 సమీపంలో బస్సు నిలిచిపోవడంతో ఆ మార్గంలో ట్రాఫిక్ నెమ్మదించింది.

మైత్రివనం నుంచి అమీర్‌పేట్ రోడ్డు మీదుగా పంజాగుట్ట వైపు వెళ్లే మార్గంలో వాహనాలు నెమ్మదిగా కదులుతున్నాయి. దీంతో వాహనదారులు కొంత సమయం ట్రాఫిక్ ఇబ్బందులు ఎదుర్కొంటున్నారు.

ఈ మార్గంలో ప్రయాణించే వాహనదారులు అప్రమత్తంగా ఉండాలని, ట్రాఫిక్ పోలీసుల సూచనలు పాటిస్తూ వారికి సహకరించాలని అధికారులు సూచించారు. బస్సు బ్రేక్‌డౌన్ కారణంగా ఏర్పడిన అంతరాయంతో ప్రయాణికులు, వాహనదారులు జాగ్రత్తగా ముందుకు సాగాలని సూచించారు.