రోడ్డుకు అడ్డంగా పడిన భారీ వృక్షం తొలగింపు వెంటనే స్పందించి ట్రాఫిక్‌ను క్లియర్ చేయించిన మాజీ సర్పంచ్ గూడపాటి కేశవరావు
ఏలూరు జిల్లా, కామవరపుకోట మండలం ఆడమిల్లి పంచాయతీ పరిధిలోని నూతనం, వడ్లపల్లి సెంటర్ సమీపంలో భారీ వృక్షం రోడ్డుకు అడ్డంగా పడటంతో వాహనదారులు తీవ్ర ఇబ్బందులు ఎదుర్కొన్నారు. రహదారిపై చెట్టు పడిపోవడంతో వాహనాల రాకపోకలకు అంతరాయం ఏర్పడింది. ఈ విషయం తెలుసుకున్న ఆడమిల్లి పంచాయతీ మాజీ సర్పంచ్ గూడపాటి కేశవరావు వెంటనే స్పందించారు. సంబంధిత అధికారులకు సమాచారం అందించి, వారి సహకారంతో రోడ్డుకు అడ్డంగా పడిన భారీ వృక్షాన్ని తొలగించే చర్యలు చేపట్టారు. తొలగింపు పనులను దగ్గరుండి పర్యవేక్షించి రహదారిపై వాహనాల రాకపోకలు పునరుద్ధరించేలా చర్యలు తీసుకున్నారు. దీంతో వాహనదారులు, గ్రామస్తులకు ఎదురైన ఇబ్బందులు తొలగి ట్రాఫిక్‌ సజావుగా సాగింది. సమస్యపై తక్షణమే స్పందించి రహదారిని క్లియర్ చేయించడంపై వాహనదారులు, గ్రామస్తులు గూడపాటి కేశవరావును అభినందించారు. ఈ కార్యక్రమంలో ఆడమిల్లి మాజీ సర్పంచ్ గూడపాటి కేశవరావుతో పాటు సంబంధిత అధికారులు, ఇతరులు పాల్గొన్నారు.
