రవిదాస్ జన్మదిన ఉత్సవాల కమిటీ రాష్ట్ర కన్వీనర్గా మాస శ్రీనివాస్
రవిదాస్ జన్మదిన ఉత్సవాల కమిటీ రాష్ట్ర కన్వీనర్గా మాస శ్రీనివాస్
భారతీయ జనతా పార్టీ (బిజెపి) రాష్ట్ర ఎస్సీ మోర్చా సంతు రవిదాస్ జన్మదిన ఉత్సవాల కమిటీ రాష్ట్ర కన్వీనర్గా మాస శ్రీనివాస్ నియమితులయ్యారు. బిజెపి ఎస్సీ మోర్చా రాష్ట్ర అధ్యక్షులు కాంతి కిరణ్ గురువారం ఈ మేరకు ఉత్తర్వులు జారీ చేశారు. హైదరాబాద్ నాంపల్లిలోని బిజెపి రాష్ట్ర ప్రధాన కార్యాలయంలో జరిగిన ఒక కార్యక్రమంలో ఎస్సీ మోర్చా రాష్ట్ర అధ్యక్షులు కాంతి కిరణ్, తెలంగాణ బిజెపి ఎస్సీ మోర్చా ఇంచార్జ్, ఎంపీ మునిస్వామి చేతుల మీదుగా మాస శ్రీనివాస్ ఈ నియామక పత్రాన్ని అందుకున్నారు. ఈ సందర్భంగా మాస శ్రీనివాస్ మాట్లాడుతూ తన నియామకానికి కృషి చేసిన ఎస్సీ మోర్చా రాష్ట్ర అధ్యక్షులు కాంతి కిరణ్, జిల్లా అధ్యక్షులు నాగం వర్షిత్ రెడ్డి, మాజీ ఎంపీ బూర నర్సయ్య గౌడ్, రాష్ట్ర ప్రధాన కార్యదర్శి వేముల అశోక్, రాష్ట్ర కార్యవర్గ సభ్యులు నకిరేకంటి మొగులయ్యలకు హృదయపూర్వక కృతజ్ఞతలు తెలియజేశారు. తనపై నమ్మకంతో అప్పగించిన ఈ బాధ్యతను సమర్థవంతంగా నిర్వహిస్తానని ఆయన పేర్కొన్నారు.
