పీజీఆర్ఎస్‌లో ప్రజల నుంచి అర్జీలు స్వీకరించిన ఆర్డీఓ ఏ. కుమార్
ఎన్టీఆర్ జిల్లా తిరువూరు రెవెన్యూ డివిజనల్ కార్యాలయంలో సోమవారం ప్రజా సమస్యల పరిష్కార వేదిక (పీజీఆర్ఎస్) కార్యక్రమాన్ని నిర్వహించారు. ఈ సందర్భంగా తిరువూరు రెవెన్యూ డివిజనల్ అధికారి ఏ. కుమార్ ప్రజల నుంచి వివిధ సమస్యలకు సంబంధించిన అర్జీలను స్వీకరించి, వారి సమస్యలను స్వయంగా విని వివరాలు తెలుసుకున్నారు. ప్రజలు సమర్పించిన అర్జీలను సంబంధిత అధికారులకు పంపించి, నిబంధనల మేరకు పరిశీలించి త్వరితగతిన పరిష్కరించేలా చర్యలు తీసుకోవాలని అధికారులను ఆదేశించారు. ప్రజల సమస్యల పరిష్కారంలో ఎలాంటి జాప్యం లేకుండా అర్జీలపై తీసుకుంటున్న చర్యలను ఎప్పటికప్పుడు పరిశీలించాలని సూచించారు. సమస్యల పరిష్కార ప్రక్రియను పూర్తి పారదర్శకతతో, నిష్పక్షపాతంగా నిర్వహించాలని సంబంధిత అధికారులకు తెలిపారు. ప్రజలకు అందుబాటులో ఉంటూ వారి సమస్యలను పరిష్కరించేందుకు అధికారులు సమన్వయంతో పనిచేయాలని సూచించారు. ఈ కార్యక్రమంలో ఆర్డీఓ కార్యాలయ సిబ్బంది, సంబంధిత అధికారులు పాల్గొన్నారు.
