జాతీయ కుటుంబ లబ్ధి పథకం పునరుద్ధరణ..

కుటుంబ పెద్ద మరణిస్తే రూ.20 వేల సాయం 18 నుంచి 60 ఏళ్లలోపు కుటుంబ పెద్ద మరణిస్తే నిరుపేద కుటుంబానికి ఆర్థిక భరోసా కుటుంబంలో సంపాదించే ప్రధాన వ్యక్తి మరణంతో ఆర్థిక ఇబ్బందులు ఎదుర్కొనే నిరుపేద కుటుంబాలకు ప్రభుత్వం అండగా నిలవనుంది. ఇందుకోసం జాతీయ కుటుంబ లబ్ధి పథకాన్ని ప్రభుత్వం పునరుద్ధరించింది. ఈ ఏడాది ఏప్రిల్‌ నుంచి ఈ పథకాన్ని అమల్లోకి తీసుకొస్తూ సోమవారం ఉత్తర్వులు జారీ చేసింది. ఈ పథకం కింద కుటుంబంలో సంపాదించే ప్రధాన వ్యక్తి మరణిస్తే ఆ కుటుంబానికి రూ.20 వేల ఆర్థిక సాయం అందించనున్నారు. ప్రభుత్వ నిబంధనల ప్రకారం మరణించిన కుటుంబ పెద్ద వయస్సు 18 నుంచి 60 ఏళ్ల మధ్య ఉండాలి. అర్హత కలిగిన నిరుపేద కుటుంబాలు ఈ పథకం ద్వారా ఆర్థిక సహాయం పొందేందుకు దరఖాస్తు చేసుకోవచ్చు. దరఖాస్తులను సంబంధిత రెవెన్యూ డివిజనల్ అధికారి (ఆర్డీఓ) కార్యాలయాల్లో స్వీకరించనున్నారు. కుటుంబానికి జీవనాధారంగా ఉన్న వ్యక్తిని కోల్పోయిన సమయంలో ఈ ఆర్థిక సాయం కొంతమేర ఉపశమనం కలిగించనుంది. పథకం పునరుద్ధరణతో అర్హులైన పేద కుటుంబాలకు సామాజిక భద్రత కల్పించే అవకాశం ఏర్పడింది.