యాదాద్రి జిల్లాలో రోడ్డు ప్రమాదం.. లారీ డ్రైవర్ మృతి

కారు ఢీకొని 25 ఏళ్ల యువకుడు దుర్మరణం

యాదాద్రి భువనగిరి జిల్లా (ఎన్ టుడే న్యూస్): యాదగిరిగుట్ట మండలం బాహుపేట స్టేజ్ సమీపంలోని 163వ జాతీయ రహదారిపై శుక్రవారం రాత్రి రోడ్డు ప్రమాదం జరిగింది. ఈ ఘటనలో లారీ డ్రైవర్ కూనూరు గోవర్ధన్ (25) మృతి చెందాడు.

స్థానికుల వివరాల ప్రకారం.. రోడ్డు దాటుతున్న గోవర్ధన్‌ను వేగంగా వచ్చిన కారు ఢీకొట్టింది. ఈ ప్రమాదంలో తీవ్రంగా గాయపడిన అతడు అక్కడికక్కడే మృతి చెందాడు. సమాచారం అందుకున్న పోలీసులు ఘటనా స్థలానికి చేరుకుని మృతదేహాన్ని భువనగిరి ఏరియా ఆసుపత్రికి తరలించారు.

సీఐ భాస్కర్ పర్యవేక్షణలో పోలీసులు కేసు నమోదు చేసి ప్రమాదానికి గల కారణాలపై దర్యాప్తు చేపట్టారు. గోవర్ధన్ మృతితో స్థానికంగా విషాదం నెలకొంది.