AP వర్కింగ్ జర్నలిస్ట్ ఫెడరేషన్ జిల్లా కార్యవర్గ సభ్యులుగా ఎన్నికైన సాక్షి రిపోర్టర్ ధర్మారెడ్డి

అమడగూరు: ఆంధ్రప్రదేశ్ వర్కింగ్ జర్నలిస్ట్ ఫెడరేషన్ జిల్లా కార్యవర్గ సభ్యుడిగా ఎన్నికైన సాక్షి రిపోర్టర్ ధర్మారెడ్డిని అమడగూరు మండల పాత్రికేయులు ఘనంగా సన్మానించారు. మండల కేంద్రంలోని చౌడేశ్వరి కళ్యాణ మండపంలో ఆదివారం నిర్వహించిన ఈ కార్యక్రమంలో పలువురు పాత్రికేయులు పాల్గొని ధర్మారెడ్డికి శుభాకాంక్షలు తెలిపారు.

ఈ సందర్భంగా ధర్మారెడ్డి మాట్లాడుతూ.. జర్నలిస్టులు తనపై ఉంచిన నమ్మకాన్ని వమ్ము చేయకుండా జర్నలిస్టుల సంక్షేమం కోసం నిరంతరం కృషి చేస్తానని తెలిపారు. ముఖ్యంగా జర్నలిస్టులకు సంబంధించిన ఇంటి స్థలాలు, హెల్త్ ఇన్సూరెన్స్ పాలసీలు, అక్రిడిటేషన్ కార్డులు, సంక్షేమ పథకాలు అందేలా తన వంతు కృషి చేస్తానని చెప్పారు.

ఈ కార్యక్రమంలో ఆంధ్రప్రదేశ్ వర్కింగ్ జర్నలిస్ట్ ఫెడరేషన్ రాష్ట్ర కార్యవర్గ సభ్యులు ఎల్లమ రాజు, మండల పాత్రికేయులు ప్రతి న్యూస్ శివరాం, మనం పత్రిక విలేకరి నరసింహులు, కాకతీయ పత్రిక విలేకరి దొడ్డప్ప, అధికార జ్యోతి రిపోర్టర్ సోమశేఖర్, సీమ వార్త రిపోర్టర్ నవీన్, ఎన్ టుడే రిపోర్టర్ రామాంజనేయులు, ఎస్సీ సెల్ మండల కన్వీనర్ చంద్రశేఖర్ తదితరులు పాల్గొన్నారు.