పొన్నలూరు నూతన ఎస్సైగా శివ నాగరాజు బాధ్యతల స్వీకరణ

పొన్నలూరు: కొండపి పోలీస్ సర్కిల్ పరిధిలోని పొన్నలూరు పోలీస్‌స్టేషన్ నూతన ఎస్సైగా శివ నాగరాజు బాధ్యతలు స్వీకరించారు. ఇప్పటివరకు ఎస్సైగా పనిచేసిన సత్యనారాయణ బదిలీపై వెళ్లడంతో ఆయన స్థానంలో శివ నాగరాజు బాధ్యతలు చేపట్టారు.

ఈ సందర్భంగా ఎస్సై శివ నాగరాజు మాట్లాడుతూ.. పొన్నలూరు పోలీస్‌స్టేషన్ పరిధిలో శాంతిభద్రతల పరిరక్షణకు ప్రాధాన్యత ఇస్తామని తెలిపారు. ప్రజలకు అందుబాటులో ఉంటూ వారి సమస్యలను పరిష్కరించేందుకు కృషి చేస్తానని పేర్కొన్నారు.

ముఖ్యంగా పేకాట, జూదం, గంజాయి తదితర అసాంఘిక కార్యకలాపాలపై ప్రత్యేక దృష్టి సారిస్తామని చెప్పారు. చట్టవిరుద్ధ కార్యకలాపాలకు పాల్పడే వారిపై కఠినమైన చట్టపరమైన చర్యలు తీసుకుంటామని ఎస్సై శివ నాగరాజు స్పష్టం చేశారు. ప్రజలు కూడా అసాంఘిక కార్యకలాపాలపై సమాచారం అందించి పోలీసులకు సహకరించాలని కోరారు.