మంచిర్యాల ఆర్టీసీ బస్టాండ్‌లో ప్రత్యేక ఎంక్వయిరీ నంబర్
మంచిర్యాల: ప్రయాణికుల సౌకర్యార్థం మంచిర్యాల ఆర్టీసీ డిపో ఆధ్వర్యంలో బస్టాండ్‌లో ప్రత్యేక ఎంక్వయిరీ నంబర్‌ను ఏర్పాటు చేసినట్లు డిపో మేనేజర్ తెలిపారు. బస్సుల రాకపోకల సమయాలు, ఇతర వివరాలను ప్రయాణికులు సులభంగా తెలుసుకునేందుకు ఈ సదుపాయాన్ని అందుబాటులోకి తీసుకొచ్చినట్లు పేర్కొన్నారు.
ఈ ప్రత్యేక నంబర్ ద్వారా మంచిర్యాల నుంచి వివిధ ప్రాంతాలకు వెళ్లే బస్సులతో పాటు, ఇతర ప్రాంతాల నుంచి మంచిర్యాలకు వచ్చే బస్సుల సమయాలు, రాకపోకలకు సంబంధించిన వివరాలను తెలుసుకోవచ్చని తెలిపారు. ప్రయాణానికి ముందు బస్సుల సమాచారం తెలుసుకోవడం ద్వారా ప్రయాణికులకు సమయం ఆదా కావడంతో పాటు అసౌకర్యాలు తగ్గుతాయని వివరించారు.
బస్సుల సమయాలు, రాకపోకల వివరాలు తెలుసుకోవాలనుకునే ప్రయాణికులు 8331033700 నంబర్‌కు ఫోన్ చేయాలని డిపో మేనేజర్ సూచించారు. ఆర్టీసీ కల్పించిన ఈ సదుపాయాన్ని ప్రయాణికులందరూ సద్వినియోగం చేసుకోవాలని కోరారు.
