సేవా సేతు అభియాన్‌లో భాగంగా 6, 7, 8 తేదీల్లో ప్రత్యేక కార్యక్రమాలు
కొండపి: సేవా సేతు అభియాన్‌లో భాగంగా ఈ నెల 6, 7, 8 తేదీల్లో కొండపి నియోజకవర్గంలోని సింగరాయకొండ విద్యుత్ సబ్ డివిజన్ కార్యాలయ ఆవరణలో ప్రత్యేక కార్యక్రమాలు నిర్వహించనున్నట్లు కొండపి మండల సీపీడీసీఎల్ అసిస్టెంట్ ఇంజినీర్ జీ. హరిదీష్ సోమవారం ఒక ప్రకటనలో తెలిపారు.
ఈ కార్యక్రమంలో సోలార్ రూఫ్‌టాప్ కనెక్షన్లకు దరఖాస్తుల నమోదు, సోలార్ వెండర్ల ఎంపిక వంటి సేవలను అందుబాటులో ఉంచనున్నట్లు తెలిపారు. సోలార్ రూఫ్‌టాప్ ఏర్పాటుకు బ్యాంకు రుణాలు అవసరమైన వినియోగదారుల కోసం బ్యాంకు అధికారులను కూడా కార్యక్రమ ప్రాంగణంలో అందుబాటులో ఉంచనున్నట్లు వెల్లడించారు.
వినియోగదారులు వివిధ కార్యాలయాలను సంప్రదించాల్సిన అవసరం లేకుండా ఒకే చోట అవసరమైన సేవలు, సమాచారం అందించేలా ఈ కార్యక్రమాన్ని ఏర్పాటు చేస్తున్నట్లు తెలిపారు.
కొండపి మండలంలోని విద్యుత్ వినియోగదారులు ఈ అవకాశాన్ని సద్వినియోగం చేసుకోవాలని అసిస్టెంట్ ఇంజినీర్ జీ. హరిదీష్ కోరారు. సోలార్ రూఫ్‌టాప్‌కు సంబంధించిన దరఖాస్తులు, రుణ సదుపాయాలు, వెండర్ల ఎంపికపై అవసరమైన సమాచారాన్ని కార్యక్రమంలో పొందవచ్చని తెలిపారు.
