నిద్రలోనే కన్నుమూసిన సులోచనమ్మ

తొండపాడు గ్రామంలో విషాదం.. ఆకస్మిక మృతితో కుటుంబ సభ్యుల శోకం

గుత్తి, అనంతపురం జిల్లా (ఎన్ టుడే న్యూస్):

అనంతపురం జిల్లా గుత్తి మండలం తొండపాడు గ్రామంలో విషాదకర ఘటన చోటుచేసుకుంది. గ్రామానికి చెందిన సులోచనమ్మ తెల్లవారుజామున నిద్రలోనే ఆకస్మికంగా మృతి చెందారు.

ఎప్పటిలాగే నిద్రపోయిన సులోచనమ్మ ఉదయం అయినప్పటికీ ఎంతసేపటికీ నిద్రలేవకపోవడంతో కుటుంబ సభ్యులు అనుమానం వ్యక్తం చేశారు. ఆమె వద్దకు వెళ్లి పరిశీలించగా అప్పటికే మృతి చెందినట్లు గుర్తించారు.

అప్పటివరకు ఆరోగ్యంగా ఉన్న సులోచనమ్మ హఠాత్తుగా ప్రాణాలు కోల్పోవడంతో కుటుంబ సభ్యులు తీవ్ర దిగ్భ్రాంతికి గురయ్యారు. ఆమె ఆకస్మిక మృతితో తొండపాడు గ్రామంలో విషాదఛాయలు అలుముకున్నాయి.