ఎర్రగుంట్ల పీహెచ్‌సీకి స్వచ్ఛాంధ్ర అవార్డు

సిరివెళ్ల: మండలంలోని ఎర్రగుంట్ల ప్రభుత్వ ప్రాథమిక ఆరోగ్య కేంద్రానికి (పీహెచ్‌సీ) ఏపీ ప్రభుత్వం అందించే ప్రతిష్టాత్మక స్వచ్ఛాంధ్ర అవార్డు లభించింది. ఈ మేరకు నంద్యాల కలెక్టర్ రాజకుమారి, మంత్రి ఎన్.ఎండీ. ఫరూక్ చేతుల మీదుగా పీహెచ్‌సీ వైద్యురాలు డాక్టర్ భవ్య అవార్డును అందుకున్నారు.

పీహెచ్‌సీ పరిసరాలను పరిశుభ్రంగా నిర్వహించడం, రోగులకు నాణ్యమైన వైద్య సేవలు అందించడం వంటి అంశాలను పరిగణనలోకి తీసుకుని ఈ గుర్తింపు లభించినట్లు తెలిపారు. గ్రామస్థులకు మెరుగైన వైద్య సేవలు అందించడంలో ఎర్రగుంట్ల పీహెచ్‌సీ సిబ్బంది నిరంతరం కృషి చేస్తున్నారు.

అవార్డు లభించడంతో జిల్లా వైద్య అధికారులు, పలువురు అధికారులు పీహెచ్‌సీ వైద్యులు, సిబ్బందిని అభినందించారు. ఎర్రగుంట్ల గ్రామస్థులు, స్థానిక ప్రజాప్రతినిధులు కూడా వైద్య సిబ్బందికి ప్రత్యేకంగా అభినందనలు తెలిపారు.