ఆసుపత్రిలో చికిత్స పొందుతున్న దుర్గయ్యను పరామర్శించిన తాటిపర్తి శైలేందర్ రెడ్డి

జగిత్యాల: అనారోగ్యంతో బాధపడుతూ జగిత్యాల క్రిటికల్ ఆసుపత్రిలో చికిత్స పొందుతున్న వెల్గటూర్ మండలం కుశనపెళ్లి గ్రామానికి చెందిన దుర్గయ్యను కాంగ్రెస్ పార్టీ వెల్గటూర్ మండల అధ్యక్షుడు, పీసీసీ అధికార ప్రతినిధి తాటిపర్తి శైలేందర్ రెడ్డి మంగళవారం సాయంత్రం పరామర్శించారు.

ఈ సందర్భంగా దుర్గయ్య ఆరోగ్య పరిస్థితిని అడిగి తెలుసుకున్నారు. ఆయనకు మెరుగైన వైద్యం అందించాలని ఆసుపత్రి వైద్యులతో మాట్లాడారు. దుర్గయ్య కుటుంబ సభ్యులకు ధైర్యం చెబుతూ, ఏవైనా సమస్యలు ఎదురైతే తనకు నేరుగా తెలియజేయాలని సూచించారు. పార్టీ పరంగా, వ్యక్తిగతంగా ఎల్లప్పుడూ అందుబాటులో ఉంటానని భరోసా కల్పించారు.

ఈ కార్యక్రమంలో పలువురు కాంగ్రెస్ పార్టీ నాయకులు, కార్యకర్తలు పాల్గొన్నారు.