చాగలమర్రి ZPTCగా టీడీపీ అభ్యర్థి కె. నరసింహారెడ్డి ఘన విజయం

17,275 ఓట్ల భారీ మెజారిటీతో గెలుపు.. అభినందనలు తెలిపిన టీడీపీ శ్రేణులు

నంద్యాల జిల్లా (ఎన్ టుడే న్యూస్):

నంద్యాల జిల్లా ఆళ్లగడ్డ నియోజకవర్గం చాగలమర్రి మండలంలో జరిగిన జెడ్పీటీసీ ఎన్నికల్లో తెలుగుదేశం పార్టీ అభ్యర్థి కె. నరసింహారెడ్డి ఘన విజయం సాధించారు. మండల ప్రజల మద్దతుతో ఎన్నికల బరిలో నిలిచిన ఆయన 17,275 ఓట్ల భారీ మెజారిటీతో గెలుపొందారు. ఈ విజయంతో టీడీపీ నాయకులు, కార్యకర్తల్లో ఆనందోత్సాహాలు వ్యక్తమయ్యాయి.

నరసింహారెడ్డి విజయంపై ఆళ్లగడ్డ నియోజకవర్గ టీడీపీ నాయకులు, కార్యకర్తలు హర్షం వ్యక్తం చేస్తూ హృదయపూర్వక అభినందనలు తెలిపారు. చాగలమర్రి మండల అభివృద్ధికి, ప్రజలు ఎదుర్కొంటున్న సమస్యల పరిష్కారానికి ఆయన నిరంతరం కృషి చేయాలని ఆకాంక్షించారు.

మండల ప్రజలు తనపై ఉంచిన నమ్మకాన్ని నిలబెట్టుకుంటూ, ప్రజా సమస్యలకు ప్రాధాన్యతనిస్తూ అభివృద్ధి కార్యక్రమాలను ముందుకు తీసుకెళ్లాలని పార్టీ శ్రేణులు ఆశాభావం వ్యక్తం చేశాయి. ప్రజల ఆశీస్సులతో భవిష్యత్తులో మరిన్ని విజయాలు సాధిస్తూ పార్టీకి, ప్రజలకు సేవ చేయాలని ఆకాంక్షించాయి.

ఈ సందర్భంగా ఆళ్లగడ్డ నియోజకవర్గ టీడీపీ నాయకులు, కార్యకర్తలు, చాగలమర్రి మండల ప్రజలు నరసింహారెడ్డికి అభినందనలు తెలియజేశారు.