టీచర్లకు BLO, ఎన్నికల విధులు అప్పగించవచ్చు: అలహాబాద్ హైకోర్టు

విద్యార్థుల విద్యా హక్కుకు భంగం కలుగుతుందన్న వాదన తిరస్కరణ.. పిటిషన్ కొట్టివేత

ప్రయాగ్‌రాజ్ (ఎన్ టుడే న్యూస్):

ఉపాధ్యాయులను బూత్ లెవల్ ఆఫీసర్లుగా (BLO), స్పెషల్ ఇంటెన్సివ్ రివిజన్ (SIR) సహా ఇతర ఎన్నికల విధులకు నియమించడాన్ని అలహాబాద్ హైకోర్టు సమర్థించింది. టీచర్లకు ఎన్నికల విధులు అప్పగించడం వల్ల విద్యార్థుల విద్యా హక్కుకు భంగం కలుగుతుందన్న వాదనను కోర్టు తోసిపుచ్చింది.

ఉపాధ్యాయుల సర్వీస్ నిబంధనల్లో బోధనేతర బాధ్యతలను అప్పగించకూడదని ఎక్కడా పేర్కొనలేదని న్యాయస్థానం తెలిపింది. ఈ నేపథ్యంలో ఎన్నికల విధులకు ఉపాధ్యాయులను నియమించడాన్ని తప్పుబట్టలేమని అభిప్రాయపడింది.

ఉత్తరప్రదేశ్‌లోని సహరాన్‌పుర్‌లో అసిస్టెంట్ టీచర్లకు BLO విధులు కేటాయించడాన్ని సవాల్ చేస్తూ దాఖలైన పిటిషన్‌ను హైకోర్టు కొట్టివేసింది. దీంతో ఉపాధ్యాయులకు ఎన్నికల సంబంధిత విధులు అప్పగించడంపై దాఖలైన ఈ పిటిషన్‌లో పిటిషనర్లకు చుక్కెదురైంది.