ప్రజాస్వామ్యాన్ని ధ్వంసం చేశారు..

ప్రజాస్వామ్యాన్ని ధ్వంసం చేశారు.. ప్రధాని మోదీ, అమిత్ షాపై రాహుల్ ఆరోపణలు

న్యూఢిల్లీ, అక్టోబర్ 9: దేశంలో ఎన్నికల సమయంలో ఓట్ల చోరీ జరుగుతోందని, ప్రజాస్వామ్య వ్యవస్థను ధ్వంసం చేస్తున్నారని కాంగ్రెస్ అగ్రనేత రాహుల్ గాంధీ ఆరోపించారు. రాష్ట్రపతి ద్రౌపదీ ముర్ముతో ఇండియా కూటమి నేతల భేటీ శుక్రవారం ముగిసింది. ఈ సందర్భంగా ఎన్నికల్లో ఓట్ల చోరీకి సంబంధించిన అంశాలను రాష్ట్రపతి దృష్టికి తీసుకెళ్లినట్లు రాహుల్ గాంధీ తెలిపారు.

ఎన్నికల్లో అక్రమాలు జరుగుతున్నాయన్న తమ ఆరోపణలపై రాష్ట్రపతి ఆధారాలు కోరినట్లు ఆయన వెల్లడించారు. సంబంధిత ఆధారాలను సేకరించి రాష్ట్రపతికి అందజేస్తామని పేర్కొన్నారు. ప్రధానమంత్రి నరేంద్ర మోదీ, కేంద్ర హోంమంత్రి అమిత్ షా, ప్రధాన ఎన్నికల కమిషనర్ జ్ఞానేశ్ కుమార్ ప్రజాస్వామ్యాన్ని ధ్వంసం చేస్తున్నారని రాహుల్ గాంధీ ఆరోపించారు. ఎన్నికల ప్రక్రియలో పారదర్శకత, ప్రజాస్వామ్య విలువల పరిరక్షణకు చర్యలు తీసుకోవాలని ఇండియా కూటమి నేతలు రాష్ట్రపతిని కోరినట్లు తెలిపారు.