ఆర్మూర్ నియోజకవర్గానికి మూడు ప్రభుత్వ కార్యాలయ భవనాలు మంజూరు

ఎమ్మెల్యే పైడి రాకేష్ రెడ్డి కృషితోనే మంజూరయ్యాయని వెల్లడి

ఆర్మూర్ (ఎన్ టుడే న్యూస్): ఆర్మూర్ నియోజకవర్గానికి మూడు ప్రభుత్వ కార్యాలయ భవనాలు మంజూరైనట్లు ఎమ్మెల్యే పైడి రాకేష్ రెడ్డి తెలిపారు. తన కృషితో ఆర్మూర్ నియోజకవర్గానికి ఈ భవనాలు మంజూరయ్యాయని పేర్కొన్నారు.

ఆర్మూర్ మండలానికి ఆర్డీఓ కార్యాలయ భవనం, తహసీల్దార్ కార్యాలయ భవనంతో పాటు ఆలూరు మండలానికి తహసీల్దార్ కార్యాలయ భవనం మంజూరైనట్లు వెల్లడించారు. ఈ భవనాల ఏర్పాటుతో ఆయా మండలాల ప్రజలకు రెవెన్యూ సేవలు మరింత చేరువయ్యే అవకాశం ఉందని తెలిపారు.

ఈ సందర్భంగా భవనాల మంజూరుకు సహకరించిన ముఖ్యమంత్రి రేవంత్ రెడ్డి, రెవెన్యూ శాఖ మంత్రి పొంగులేటి శ్రీనివాస్ రెడ్డికి ఎమ్మెల్యే పైడి రాకేష్ రెడ్డి కృతజ్ఞతలు తెలిపారు.