శ్రీశైలంలో సంప్రదాయ నృత్య ప్రదర్శన
తెలంగాణ
శ్రీశైలంలో నిత్యకళారాధనలో భాగంగా సంప్రదాయ నృత్య ప్రదర్శన
NTODAY NEWS: శ్రీశైలం, నంద్యాల జిల్లా ప్రతినిధి మల్లికార్జున
శ్రీశైల దేవస్థానం నిర్వహిస్తున్న ధర్మపథం కార్యక్రమంలో భాగంగా నిత్యకళారాధన వేదికపై శుక్రవారం (20.02.2026) సంప్రదాయ నృత్య ప్రదర్శన నిర్వహించబడుతోంది. జోగులాంబా గద్వాల జిల్లా కు చెందిన యతిలయ ఆర్ట్స్ బృందం ఈ కార్యక్రమాన్ని ప్రదర్శిస్తోంది.
ఆలయ దక్షిణ మాడవీధిలోని నిత్యకళారాధన వేదిక వద్ద సాయంకాలం నుండి ఈ నృత్య ప్రదర్శన కొనసాగుతోంది. కార్యక్రమంలో భాగంగా మూషికవాహన, నాగేంద్రహారాయ, శివ శివ శంభో, హర హర శంకర, ఓం నమఃశివాయ, శివకైవారం వంటి భక్తి గీతాలకు సంతోషి, రూప, అభిజ్ఞశ్రీ, మేఘన తదితరులు నృత్య ప్రదర్శనలు ఇస్తున్నారు.
నిత్యకళారాధన కార్యక్రమంలో భాగంగా ఆయా రోజులలో హరికథ, బుర్రకథ, సంప్రదాయ నృత్యాలు, వాయిద్య సంగీతం, భక్తిరంజని వంటి సాంస్కృతిక కార్యక్రమాలు నిర్వహించబడుతున్నాయి. ప్రాచీన సంప్రదాయ కళల పరిరక్షణతో పాటు ఆలయ కైంకర్యాలు సమగ్రంగా కొనసాగేందుకు ఈ కార్యక్రమాలు చేపడుతున్నట్లు దేవస్థానం కార్యాలయం తెలిపింది.
#Srisailam #NityaKalaradhana #CulturalPrograms #TraditionalDance #TempleEvents #SpiritualHeritage #AndhraPradesh
Follow us on
Website
Facebook
Instagram
YouTube 
