విస్సన్నపేటలో ఘనంగా ప్రపంచ ఫోటోగ్రఫీ దినోత్సవ వేడుకలు

ఎన్టీఆర్ జిల్లా విస్సన్నపేటలో 187వ ప్రపంచ ఫోటోగ్రఫీ దినోత్సవ వేడుకలను ఫోటోగ్రాఫర్లు ఘనంగా నిర్వహించారు. ఈ సందర్భంగా మ్యాంగో మార్కెట్ సమీపంలో ఫోటోగ్రాఫర్లు సమావేశమై కేక్ కట్ చేసి వేడుకలు జరుపుకున్నారు.

ఫోటోగ్రఫీ రంగం సమాజానికి అందిస్తున్న సేవలను గుర్తు చేసుకుంటూ, ఫోటోగ్రాఫర్ల ఐక్యత, అభివృద్ధి కోసం కలిసి పనిచేయాలని ఈ సందర్భంగా పలువురు పేర్కొన్నారు. ఫోటోగ్రఫీ వృత్తిలో నూతన సాంకేతికతను అందిపుచ్చుకుని మరింత ముందుకు సాగాలని ఆకాంక్షించారు.

విస్సన్నపేటకు చెందిన పలువురు ఫోటోగ్రాఫర్లు ఈ కార్యక్రమంలో పాల్గొని ప్రపంచ ఫోటోగ్రఫీ దినోత్సవ శుభాకాంక్షలు తెలియజేశారు.