వర్షాన్ని సైతం లెక్కచేయకుండా ఎన్నికల ప్రచారం.. సుజనారావుకు ప్రజాదరణ సైకిల్ గుర్తుపై ఓటు వేసి గెలిపించాలని ఇంటింటా అభ్యర్థన

చాట్రాయి నవంబర్ 3: ఈనెల 5వ తేదీ గురువారం జరగనున్న ఎంపీటీసీ, జడ్పీటీసీ ఎన్నికల నేపథ్యంలో చిన్నంపేట ఎంపీటీసీ అభ్యర్థి కొమ్ము సుజనారావు ఎన్నికల ప్రచారాన్ని ముమ్మరం చేశారు. వర్షాన్ని సైతం లెక్కచేయకుండా కార్యకర్తలతో కలిసి ఇంటింటా ప్రచారం నిర్వహిస్తూ ఓటర్లను కలుస్తున్నారు. ఈ సందర్భంగా సైకిల్ గుర్తుపై తమ అమూల్యమైన ఓటు వేసి తనను అఖండ మెజారిటీతో గెలిపించాలని ప్రజలను కోరుతున్నారు. చిన్నంపేట గ్రామం అభివృద్ధి పథంలో ముందుకు సాగాలన్నా, ప్రతి నిరుపేదకు న్యాయం జరగాలన్నా తనకు అవకాశం కల్పించాలని సుజనారావు విజ్ఞప్తి చేస్తున్నారు. ప్రజలు తన విజయంపై సానుకూల ఆశాభావం వ్యక్తం చేస్తున్నారని కార్యకర్తలు తెలిపారు. సుజనారావు గెలుపు గ్రామ అభివృద్ధికి బాటలు వేస్తుందని పేర్కొంటూ సైకిల్ గుర్తుకు ఓటు వేయాలని ఓటర్లను అభ్యర్థిస్తున్నారు. ఈ ప్రచార కార్యక్రమంలో కొమ్ము ప్రతాపు, కొమ్ము పుల్లయ్య, మారేషు తదితరులు పాల్గొన్నారు.