ఓటర్ల తొలగింపుపై ప్రచారాన్ని ఖండించిన వెంకయ్యనాయుడు

దేశవ్యాప్తంగా 13 కోట్ల మంది ఓటర్లను తొలగించారంటూ జరుగుతున్న ప్రచారంలో వాస్తవం లేదని మాజీ ఉపరాష్ట్రపతి వెంకయ్యనాయుడు పేర్కొన్నారు. కృత్రిమ మేధ (ఏఐ) సాయంతో ఓట్ల తొలగింపు జరుగుతోందన్న ప్రచారం అపోహ మాత్రమేనని ఆయన అభిప్రాయపడ్డారు.

రాజ్యాంగబద్ధ సంస్థ అయిన ఎన్నికల సంఘాన్ని రాజకీయ వివాదాల్లోకి లాగడం సరికాదని ఆయన అన్నారు. ప్రతిపక్ష పార్టీలు ఎన్నికల సంఘంపై ఆరోపణలు చేసే ముందు వాస్తవాలను పరిశీలించాలని సూచించారు. ఓటర్ల జాబితా, ఎన్నికల ప్రక్రియకు సంబంధించిన అంశాలపై బాధ్యతాయుతంగా స్పందించాలని పేర్కొన్నారు.