మహిళా సంఘాల బలోపేతానికి వివో భవనాలు దోహదం

రూ.40 లక్షల వ్యయంతో నిర్మించిన నాలుగు మహిళా సమాఖ్య భవనాలను ప్రారంభించిన ఎమ్మెల్యే ఏలేటి మహేశ్వర్‌రెడ్డి

నిర్మల్: జిల్లా నర్సాపూర్ (జి) మండలం రాంపూర్ గ్రామంలో రూ.40 లక్షల వ్యయంతో నిర్మించిన నాలుగు మహిళా సమాఖ్య (వీవో) భవనాలను బీజేపీ శాసనసభాపక్ష నేత, నిర్మల్ ఎమ్మెల్యే ఏలేటి మహేశ్వర్‌రెడ్డి ప్రారంభించారు. ఈ సందర్భంగా భవనాలను ప్రారంభించి, గ్రామస్తులతో ఏర్పాటు చేసిన సమావేశంలో పాల్గొన్నారు.

సమావేశంలో ఎమ్మెల్యే గ్రామ అభివృద్ధి, మహిళా సంఘాల బలోపేతం, మహిళల ఆర్థిక స్వావలంబనకు సంబంధించిన అంశాలపై గ్రామస్తులతో చర్చించారు. మహిళా సంఘాలకు అవసరమైన వసతులు కల్పించడం ద్వారా వాటి కార్యకలాపాలను మరింత సమర్థంగా నిర్వహించేందుకు అవకాశం ఉంటుందని తెలిపారు. మహిళలు సంఘాల ద్వారా ఐక్యంగా ముందుకు సాగుతూ ఆర్థికంగా స్వయం సమృద్ధి సాధించేందుకు కృషి చేయాలని సూచించారు.

గ్రామంలో చేపట్టాల్సిన అభివృద్ధి కార్యక్రమాలు, మహిళా సంఘాల పనితీరు, మహిళల ఆర్థిక పురోగతికి సంబంధించిన అంశాలపై గ్రామస్తుల అభిప్రాయాలను తెలుసుకున్నారు. గ్రామాభివృద్ధిలో ప్రజల భాగస్వామ్యం కీలకమని పేర్కొంటూ, స్థానిక అవసరాలకు అనుగుణంగా అభివృద్ధి కార్యక్రమాలపై చర్చించారు.

ఈ కార్యక్రమంలో గ్రామ సర్పంచ్ చిన్నోలు విజయలక్ష్మి ప్రవీణ్, ఉపసర్పంచ్ కామ్రుద్దీన్, వార్డు సభ్యుడు నరేష్, బీజేపీ నాయకులు ఠాగూర్ అర్జున్, మహిపాల్, బీజేపీ సీనియర్ నాయకులు రమణారెడ్డి, ముత్యంరెడ్డి, జమాల్, సత్యం, చంద్రకాంత్, బీజేపీ జిల్లా ఉపాధ్యక్షులు అనిల్, గోవర్ధన్, శ్రీనివాస్, ప్రణీత్ తదితరులతో పాటు సంబంధిత అధికారులు, గ్రామ పెద్దలు, గ్రామస్తులు పెద్ద సంఖ్యలో పాల్గొన్నారు.