చిక్కు వెంట్రుకలు సేకరించే మహిళకు జడ్పీటీసీ ఎన్నికల్లో విజయం

పామర్రులో టీడీపీ అభ్యర్థి శీలం వెంకటేశ్వరమ్మ గెలుపు.. 8,469 ఓట్ల మెజార్టీ

పామర్రు (ఎన్ టుడే న్యూస్):

కృష్ణా జిల్లా పామర్రు జడ్పీటీసీ ఎన్నికల్లో నిరుపేద కుటుంబానికి చెందిన మహిళ అనూహ్య విజయం సాధించారు. చిక్కు వెంట్రుకలు సేకరించి విక్రయించడం ద్వారా జీవనం సాగించే శీలం వెంకటేశ్వరమ్మ జడ్పీటీసీగా ఎన్నికయ్యారు.

పామర్రు జడ్పీటీసీ స్థానం ఎస్టీ మహిళకు రిజర్వ్ అయింది. ఈ స్థానంలో తెలుగుదేశం పార్టీ (టీడీపీ) తరఫున శీలం వెంకటేశ్వరమ్మ పోటీ చేశారు. తాజాగా వెలువడిన ఎన్నికల ఫలితాల్లో ఆమె 8,469 ఓట్ల మెజార్టీతో విజయం సాధించారు.

సాధారణ జీవితం గడుపుతూ జీవనోపాధి కోసం చిక్కు వెంట్రుకలు సేకరించి విక్రయించే స్థాయి నుంచి జడ్పీటీసీగా ఎన్నిక కావడం స్థానికంగా చర్చనీయాంశంగా మారింది.

ఈ సందర్భంగా పామర్రు ఎమ్మెల్యే వర్ల కుమార్ రాజా విజయం సాధించిన వెంకటేశ్వరమ్మ దంపతులను శాలువాతో సత్కరించారు.