సీతానగరం జడ్పీటీసీ ఎన్నికల్లో వైఎస్సార్‌సీపీ అభ్యర్థి విజయం

ఎమ్మెల్యే బత్తుల బలరామకృష్ణ సతీమణి బత్తుల వెంకటలక్ష్మిపై 2,607 ఓట్ల మెజారిటీ

తూర్పుగోదావరి (ఎన్ టుడే న్యూస్):

తూర్పుగోదావరి జిల్లా రాజానగరం నియోజకవర్గంలోని సీతానగరం జడ్పీటీసీ ఎన్నికల్లో వైఎస్సార్ కాంగ్రెస్ పార్టీ అభ్యర్థి కరుటూరి శ్రీహరిబాబు విజయం సాధించారు. జనసేన పార్టీ తరఫున పోటీ చేసిన రాజానగరం ఎమ్మెల్యే బత్తుల బలరామకృష్ణ సతీమణి బత్తుల వెంకటలక్ష్మిపై 2,607 ఓట్ల మెజారిటీతో గెలుపొందారు.

ఎమ్మెల్యే సతీమణి ఎన్నికల బరిలో ఉండటంతో సీతానగరం జడ్పీటీసీ స్థానం ఫలితంపై రాజకీయ వర్గాల్లో ఆసక్తి నెలకొంది. ఓట్ల లెక్కింపు అనంతరం వైఎస్సార్‌సీపీ అభ్యర్థి విజయం ఖరారు కావడంతో ఆ పార్టీ నాయకులు, కార్యకర్తలు హర్షం వ్యక్తం చేశారు.

ఇదిలా ఉండగా, సీతానగరం మండలంలో జడ్పీటీసీ స్థానంతో పాటు ఎంపీటీసీ ఎన్నికల ఫలితాల్లోనూ వైఎస్సార్‌సీపీ అభ్యర్థులు పలు స్థానాల్లో విజయం సాధించినట్లు సమాచారం.