కనిగిరి నియోజకవర్గంలో ఆరు జడ్పీటీసీ స్థానాల్లోనూ వైసీపీకి ఓటమి

ఆరు స్థానాల్లో అభ్యర్థులను బరిలో నిలిపిన వైసీపీ.. ఓట్ల వివరాలు ఇలా

కనిగిరి (ఎన్ టుడే న్యూస్):

కనిగిరి నియోజకవర్గంలోని ఆరు జడ్పీటీసీ స్థానాల్లో వైఎస్సార్ కాంగ్రెస్ పార్టీ (వైసీపీ) అభ్యర్థులు ఓటమి పాలయ్యారు. అన్ని స్థానాల్లోనూ పార్టీ అభ్యర్థులు పోటీ చేసినప్పటికీ విజయం సాధించలేకపోయారు.

మండలాల వారీగా వైసీపీ అభ్యర్థులకు వచ్చిన ఓట్ల వివరాలు ఇలా ఉన్నాయి. సీఎస్‌పురంలో దుగ్గిరెడ్డి ప్రతాప్‌కు 5,836 ఓట్లు, కనిగిరిలో మల్లెల ప్రవీణ్ కుమార్‌కు 7,936 ఓట్లు, పామూరులో అంబటి వెంకట సుబ్బమ్మకు 7,198 ఓట్లు పోలయ్యాయి.

అలాగే పీసీపల్లిలో పాతకొట్టు కుమారికి 5,863 ఓట్లు, వెలిగండ్ల మండలంలో కటికల వెంకటరత్నానికి 4,929 ఓట్లు, హనుమంతునిపాడులో రాయని ధనలక్ష్మికి 4,955 ఓట్లు వచ్చాయి.

ఆరు జడ్పీటీసీ స్థానాల్లోనూ వైసీపీ అభ్యర్థులు ఓటమి చెందడంతో పార్టీకి నిరాశ ఎదురైంది.