తిరువూరులో కాకుమాను రాజశేఖర్కు వైఎస్సార్సీపీ ఘన నివాళి
తిరువూరు: వైఎస్సార్సీపీ ప్రచార విభాగం రాష్ట్ర అధ్యక్షుడు కాకుమాను రాజశేఖర్ ఆకస్మిక మృతికి తిరువూరు నియోజకవర్గ ఇన్చార్జి నల్లగట్ల స్వామిదాస్ ఘన నివాళులర్పించారు. తిరువూరు నియోజకవర్గ వైఎస్సార్సీపీ కార్యాలయంలో నిర్వహించిన కార్యక్రమంలో కాకుమాను రాజశేఖర్ చిత్రపటానికి పూలమాల వేసి నివాళులర్పించారు.
ఈ సందర్భంగా నల్లగట్ల స్వామిదాస్ మాట్లాడుతూ కాకుమాను రాజశేఖర్ పార్టీకి అందించిన సేవలను స్మరించుకున్నారు. వైఎస్సార్సీపీ ప్రచార విభాగం రాష్ట్ర అధ్యక్షుడిగా పార్టీ కార్యక్రమాలు, విధానాలను ప్రజల్లోకి తీసుకెళ్లేందుకు ఆయన చేసిన కృషిని గుర్తు చేసుకున్నారు. రాజశేఖర్ ఆకస్మిక మృతి పార్టీకి తీరని లోటని పేర్కొన్నారు. ఆయన కుటుంబ సభ్యులకు ప్రగాఢ సానుభూతి తెలిపారు.
కార్యక్రమంలో వైఎస్సార్సీపీ నాయకులు, కార్యకర్తలు పెద్ద సంఖ్యలో పాల్గొని కాకుమాను రాజశేఖర్ చిత్రపటానికి నివాళులర్పించారు. ఆయన సేవలను గుర్తుచేసుకుంటూ సంతాపం వ్యక్తం చేశారు.
