అంగన్వాడీ కేంద్రంలో స్లాబ్ నుంచి నీటి లీకేజీ
ఆంధ్రప్రదేశ్
Parsika Kamesh
Chintur
వర్షం పడితే నీటితో నిండుతున్న కేంద్రం.. చిన్నారులకు తప్పని ఇబ్బందులు
చింతూరు | Ntoday News
చింతూరు మండలంలోని పెగ పంచాయతీ అల్లిగూడెం గ్రామంలో ఉన్న అంగన్వాడీ కేంద్రం వర్షాకాలంలో తీవ్ర ఇబ్బందులకు గురవుతోంది. వర్షం కురిసిన సమయంలో స్లాబ్ నుంచి నీరు కారడంతో అంగన్వాడీ కేంద్రంలోకి వర్షపు నీరు చేరుతున్నట్లు సమాచారం.
దీంతో అంగన్వాడీ కేంద్రానికి వచ్చే చిన్నారులు తీవ్ర ఇబ్బందులు ఎదుర్కొంటున్నారని అంగన్వాడీ టీచర్ కె. జాన్షి తెలిపారు. వర్షం పడిన ప్రతిసారీ కేంద్రంలో నీరు నిలిచిపోవడంతో చిన్నారులకు అసౌకర్యం కలుగుతోందని పేర్కొన్నారు.
కేంద్రం భవనం పరిస్థితిని అధికారులు పరిశీలించి, స్లాబ్ నుంచి నీటి లీకేజీ సమస్యను పరిష్కరించడంతో పాటు అవసరమైన మరమ్మతులు చేపట్టాలని కోరుతున్నారు. చిన్నారుల భద్రత, ఆరోగ్యాన్ని దృష్టిలో ఉంచుకుని అంగన్వాడీ కేంద్రాన్ని వెంటనే మరమ్మతులు చేసి వినియోగానికి అనుకూలంగా తీర్చిదిద్దాలని స్థానికులు కోరుతున్నారు.
