బ్యాంక్ ఖాతాదారులకు శుభవార్త.. ఏటీఎం ఛార్జీలపై కీలక నిర్ణయం

సెప్టెంబర్ 28 నుంచి 30 వరకు బ్యాంకు ఉద్యోగుల సమ్మె నేపథ్యంలో ఖాతాదారులకు ఇబ్బందులు కలగకుండా కొన్ని ప్రభుత్వ రంగ బ్యాంకులు కీలక చర్యలు చేపట్టినట్లు సమాచారం. ఎస్‌బీఐ, పీఎన్‌బీ, బ్యాంక్ ఆఫ్ బరోడా, యూనియన్ బ్యాంక్ ఆఫ్ ఇండియా, ఇండియన్ బ్యాంక్ తదితర బ్యాంకులు ఉచిత ఏటీఎం లావాదేవీల పరిమితిని మించిన నగదు ఉపసంహరణలపై అదనపు రుసుము వసూలు చేయకుండా సడలింపు ఇవ్వనున్నట్లు పేర్కొన్నాయి. సమ్మె కారణంగా బ్యాంకు శాఖలు మూసివుండే సమయంలో ఏటీఎంలపై ఆధారపడే ఖాతాదారులకు ఈ నిర్ణయం కొంత ఉపశమనం కలిగించనుంది.