చాట్రాయి ఎస్ఐ డి. రామకృష్ణకు ప్రశంసా పత్రం అందజేత

చాట్రాయి ఎస్ఐ డి. రామకృష్ణకు ప్రశంసా పత్రం అందజేత

ఏలూరు జిల్లా నూజివీడు నియోజకవర్గం చాట్రాయి మండల సబ్ ఇన్స్పెక్టర్ ఆఫ్ పోలీస్ డి. రామకృష్ణకు 80వ స్వాతంత్ర్య దినోత్సవం సందర్భంగా ఉత్తమ సేవలకు గుర్తింపుగా ప్రశంసా పత్రం అందింది.

పోలీస్ పరేడ్ గ్రౌండ్‌లో నిర్వహించిన స్వాతంత్ర్య దినోత్సవ వేడుకల్లో రాష్ట్ర గృహనిర్మాణ శాఖ మంత్రి కొలుసు పార్థసారధి చేతుల మీదుగా ఎస్ఐ డి. రామకృష్ణ ప్రశంసా పత్రాన్ని అందుకున్నారు.

విధి నిర్వహణలో నిబద్ధతతో పనిచేస్తూ, ప్రజలకు మెరుగైన పోలీస్ సేవలు అందించడంతో పాటు శాంతిభద్రతల పరిరక్షణలో చూపిన ప్రతిభకు గుర్తింపుగా ఈ అవార్డు లభించింది. ఈ సందర్భంగా పోలీస్ అధికారులు, సిబ్బంది ఎస్ఐ రామకృష్ణను అభినందించారు.