కొల్లి బాలు మృతికి చిర్ల జగ్గిరెడ్డి సంతాపం

కోనసీమ జిల్లా, రావులపాలెం:

రావులపాలెం మండల వైఎస్సార్ కాంగ్రెస్ పార్టీ ఎస్సీ సెల్ అధ్యక్షుడు కొల్లి బాలు మృతి చెందారు. ఆయన మృతిపై డాక్టర్ బీఆర్ అంబేద్కర్ కోనసీమ జిల్లా వైఎస్సార్‌సీపీ అధ్యక్షుడు చిర్ల జగ్గిరెడ్డి సంతాపం వ్యక్తం చేశారు.

పొడగట్లపల్లి గ్రామంలోని కొల్లి బాలు స్వగృహానికి చేరుకున్న చిర్ల జగ్గిరెడ్డి, భౌతికకాయానికి పూలమాల వేసి నివాళులర్పించారు. పార్టీ కోసం పనిచేసిన కార్యకర్త మృతితో ఆయన భావోద్వేగానికి గురయ్యారు. అనంతరం కొల్లి బాలు అంతిమయాత్రలో పాల్గొని శవపేటికను మోశారు.

కొల్లి బాలు కుటుంబ సభ్యులను పరామర్శించిన చిర్ల జగ్గిరెడ్డి, వారికి తన సానుభూతిని తెలియజేశారు. మృతుడి ఆత్మకు శాంతి చేకూరాలని, కుటుంబ సభ్యులకు మనోధైర్యం కలగాలని ఆకాంక్షించారు.

కొల్లి బాలు పార్టీ కార్యక్రమాల్లో చురుగ్గా పాల్గొంటూ పనిచేశారని చిర్ల జగ్గిరెడ్డి తెలిపారు. ముఖ్యంగా సోషల్ మీడియా ద్వారా పార్టీ విధానాలను ప్రజల్లోకి తీసుకెళ్లడంలో చురుకైన పాత్ర పోషించారని పేర్కొన్నారు.

పార్టీ పట్ల అంకితభావంతో పనిచేసిన కొల్లి బాలు మృతి వైఎస్సార్‌సీపీకి తీరని లోటని చిర్ల జగ్గిరెడ్డి అన్నారు. పార్టీ కోసం ఆయన చేసిన సేవలను నాయకులు, కార్యకర్తలు గుర్తుంచుకుంటారని తెలిపారు.