డాక్టర్స్ డే సందర్భంగా వైద్యులకు ఎమ్మెల్యే సొంగా రోషన్ కుమార్ ఘన సన్మానం

చింతలపూడి నియోజకవర్గ రిపోర్టర్ కుడిపుడి సత్తి బాబు 

డాక్టర్స్ డే సందర్భంగా స్థానిక ఎమ్మెల్యే సొంగా రోషన్ కుమార్ ఆధ్వర్యంలో ఆయన క్యాంపు కార్యాలయంలో వైద్యులకు ఘన సన్మానం నిర్వహించారు.

ఈ సందర్భంగా ఎమ్మెల్యే మాట్లాడుతూ, సమాజ ఆరోగ్య పరిరక్షణలో వైద్యుల పాత్ర అత్యంత కీలకమైందని, ప్రజలకు నిత్యం అందిస్తున్న వారి అంకితభావ సేవలు ప్రశంసనీయమని పేర్కొన్నారు. ప్రజల ప్రాణాలను కాపాడేందుకు నిరంతరం శ్రమిస్తున్న వైద్యులను శాలువాలతో సత్కరించి అభినందించారు.

ఈ కార్యక్రమంలో ప్రజాప్రతినిధులు, వైద్యులు, హెచ్‌డీఎస్ సభ్యులు, యూపీహెచ్‌సీ చైర్మన్, పార్టీ నాయకులు, కార్యకర్తలు మరియు ఇతర ప్రముఖులు పాల్గొన్నారు.

డాక్టర్స్ డే సందర్భంగా సేవామూర్తులైన వైద్యులకు హృదయపూర్వక శుభాకాంక్షలు తెలిపారు.