డిసెంబర్లో వరంగల్ ఎయిర్పోర్టుకు శంకుస్థాపన
రెండు వారాల్లో టెండర్ల ప్రక్రియ పూర్తి చేస్తాం: కేంద్ర మంత్రి రామ్మోహన్ నాయుడు
హైదరాబాద్ | Ntoday News
వరంగల్ మామునూరు ఎయిర్పోర్టు నిర్మాణానికి సంబంధించి కీలక ముందడుగు పడనుంది. మరో రెండు వారాల్లో టెండర్ల ప్రక్రియను పూర్తి చేసి, డిసెంబర్లో ఎయిర్పోర్టు నిర్మాణ పనులకు శంకుస్థాపన చేస్తామని కేంద్ర పౌర విమానయాన శాఖ మంత్రి రామ్మోహన్ నాయుడు వెల్లడించారు. �
teluguone.com
ఢిల్లీ పర్యటనలో భాగంగా సీఎం రేవంత్రెడ్డి కేంద్ర మంత్రి రామ్మోహన్ నాయుడుతో సమావేశమయ్యారు. ఈ సందర్భంగా తెలంగాణలో విమానయాన రంగ అభివృద్ధి, మామునూరు ఎయిర్పోర్టు నిర్మాణ పనుల పురోగతిపై చర్చించారు.
మామునూరు ఎయిర్పోర్టు పనులను వేగవంతం చేయాలని సీఎం కేంద్ర మంత్రిని కోరగా, టెండర్ల ప్రక్రియను త్వరగా పూర్తి చేసి డిసెంబర్లో శంకుస్థాపన చేసేలా చర్యలు తీసుకుంటామని రామ్మోహన్ నాయుడు తెలిపినట్లు సమాచారం.
అదేవిధంగా తెలంగాణలో హెలికాప్టర్ల ద్వారా ‘హెలీ టూరిజం’ను అభివృద్ధి చేసేందుకు సహకరించాలని సీఎం రేవంత్రెడ్డి కేంద్ర మంత్రిని కోరారు. దీనిపై రామ్మోహన్ నాయుడు సానుకూలంగా స్పందించినట్లు తెలుస్తోంది.
మామునూరు ఎయిర్పోర్టు అందుబాటులోకి వస్తే వరంగల్తో పాటు పరిసర ప్రాంతాలకు విమాన కనెక్టివిటీ మెరుగుపడే అవకాశం ఉంది.
