ఈ-మెడిసిన్ అమ్మకాలను నిలిపివేయాలి: మెడికల్ అండ్ డ్రగ్గిస్ట్ అసోసియేషన్

మంచిర్యాల : ఆన్‌లైన్ మెడికల్ (ఈ-మెడిసిన్) విక్రయాలను తక్షణమే నిలిపివేయాలని మంచిర్యాల మెడికల్ డ్రగ్గిస్ట్ అసోసియేషన్ అధ్యక్ష, కార్యదర్శులు చంద్రశేఖర్ మరియు తోగరు సుధాకర్ డిమాండ్ చేశారు.

​ఈ సందర్భంగా వారు మాట్లాడుతూ.. కార్పొరేట్ సంస్థలు భారీ డిస్కౌంట్ల పేరుతో నకిలీ మందులను విక్రయిస్తూ ప్రజారోగ్యంతో చెలగాటమాడుతున్నాయని, అమాయక ప్రజలను మోసం చేస్తున్నాయని మండిపడ్డారు. ఈ-మెడికల్ విధానం వల్ల యువత సులభంగా డ్రగ్స్ (మత్తు పదార్థాలు) బారిన పడి, వాటికి బానిసలవుతున్నారని ఆందోళన వ్యక్తం చేశారు. ఆన్‌లైన్ ఫార్మసీల వల్ల తలెత్తుతున్న ముప్పును గమనించి ప్రభుత్వం వెంటనే వీటిని నియంత్రించాలని వారు కోరారు.

​ప్రశాంతంగా కొనసాగుతున్న మెడికల్ షాపుల బంద్:

ఈ-మెడిసిన్ విక్రయాలకు నిరసనగా అసోసియేషన్ పిలుపునిచ్చిన మెడికల్ షాపుల బంద్ జిల్లా వ్యాప్తంగా విజయవంతంగా, ప్రశాంతంగా కొనసాగుతోంది. రోగులకు ఇబ్బందులు కలగకుండా అత్యవసర సేవలు మినహా, వ్యాపార సంస్థలన్నీ స్వచ్ఛందంగా మూసివేసి నిరసన వ్యక్తం చేస్తున్నారు