శివనగర్లో ఉచిత కంటి పరీక్షలు.. అవసరమైన వారికి కంటి అద్దాల పంపిణీ
వరంగల్: ప్రధాని నరేంద్ర మోదీ జన్మదినోత్సవాన్ని పురస్కరించుకుని బీజేపీ ఆధ్వర్యంలో శివనగర్లో ఉచిత కంటి వైద్య శిబిరాన్ని నిర్వహించారు. బీజేపీ జిల్లా అధ్యక్షుడు గంట రవికుమార్ ఆధ్వర్యంలో నిర్వహించిన ఈ కార్యక్రమంలో స్థానికులకు కంటి పరీక్షలు నిర్వహించి, అవసరమైన వారికి ఉచితంగా కంటి అద్దాలను పంపిణీ చేశారు.
ఈ సందర్భంగా గంట రవికుమార్ మాట్లాడుతూ ప్రధాని నరేంద్ర మోదీ జన్మదినోత్సవాన్ని పురస్కరించుకుని దేశవ్యాప్తంగా బీజేపీ ఆధ్వర్యంలో వివిధ సేవా కార్యక్రమాలు నిర్వహిస్తున్నట్లు తెలిపారు. ప్రజలకు ఉపయోగపడే కార్యక్రమాలను నిర్వహించడం ద్వారా సేవా కార్యక్రమాలకు ప్రాధాన్యత ఇస్తున్నామని పేర్కొన్నారు.
శివనగర్లో నిర్వహించిన కంటి వైద్య శిబిరంలో పలువురు స్థానికులు పాల్గొని కంటి పరీక్షలు చేయించుకున్నారు. వైద్యుల సూచన మేరకు అవసరమైన వారికి కంటి అద్దాలను ఉచితంగా అందజేశారు.
ఈ సందర్భంగా స్థానికులు మాట్లాడుతూ ప్రజలకు ఉపయోగపడే విధంగా ఉచిత కంటి పరీక్షలు, అద్దాల పంపిణీ కార్యక్రమాన్ని నిర్వహించడం అభినందనీయమన్నారు. రాజకీయాలకు అతీతంగా తమ ప్రాంతంలో సేవా కార్యక్రమాన్ని నిర్వహించినందుకు నిర్వాహకులకు కృతజ్ఞతలు తెలిపారు.
ఈ కార్యక్రమంలో శివనగర్ బీజేపీ నాయకులు మహమ్మద్ రఫీ, తాళ్లపెళ్లి శ్రీనివాస్, మార్తా ఉషారాణి, కందుకూరి విజయ్, బొజ్జ రంజిత్, సూరజ్, సతీష్ తదితరులు పాల్గొన్నారు.
