లద్దిగంలో భక్తిశ్రద్ధలతో వినాయక చవితి వేడుకలు

అన్నమయ్య జిల్లా: చౌడేపల్లి మండలం లద్దిగం గ్రామంలో వినాయక చవితి వేడుకలను భక్తిశ్రద్ధలతో ఘనంగా నిర్వహించారు. వినాయకుడి ప్రతిమను అందంగా అలంకరించి ప్రత్యేక పూజలు నిర్వహించడంతో గ్రామంలో పండుగ వాతావరణం నెలకొంది.

గ్రామ పెద్దలు, యువత, చిన్నారులు పెద్ద సంఖ్యలో పాల్గొని గణనాథుడిని దర్శించుకుని ప్రత్యేక పూజలు చేశారు. వినాయక చవితి సందర్భంగా గ్రామంలోని వీధులు భక్తుల సందడితో కళకళలాడాయి. చిన్నారులు, యువత ఉత్సాహంగా పాల్గొని పండుగను ఆనందంగా జరుపుకున్నారు.

గ్రామ పెద్దల ఆధ్వర్యంలో వేడుకలు ప్రశాంత వాతావరణంలో కొనసాగాయి. ఈ సందర్భంగా నిర్వాహకులు మాట్లాడుతూ శనివారం వినాయకుడి నిమజ్జన కార్యక్రమాన్ని ఘనంగా నిర్వహించనున్నట్లు తెలిపారు. నిమజ్జన కార్యక్రమంతో పాటు లడ్డూ వేలం కూడా నిర్వహించనున్నట్లు పేర్కొన్నారు.

నిమజ్జన కార్యక్రమానికి గ్రామ ప్రజలు పెద్ద సంఖ్యలో హాజరై విజయవంతం చేయాలని నిర్వాహకులు కోరారు.