మునగపాకలో ఘనంగా అన్నప్రసాద కార్యక్రమం

మునగపాక / Ntoday News: మునగపాక ప్రధాన రహదారిపై ఏర్పాటు చేసిన ఆడారి రామ్‌నాయుడు దిబ్బ వద్ద భారీ అన్నప్రసాద కార్యక్రమాన్ని నిర్వహించారు. ఈ సందర్భంగా గ్రామ ప్రజలు, వివిధ సంఘాల నాయకులు పెద్ద సంఖ్యలో పాల్గొని కార్యక్రమాన్ని విజయవంతం చేశారు.

అన్నప్రసాద కార్యక్రమంలో మహిళలు భక్తిశ్రద్ధలతో భజనలు నిర్వహించారు. అనంతరం కోలాటం కార్యక్రమంతో పాటు పలు పోటీలు నిర్వహించగా మహిళలు ఉత్సాహంగా పాల్గొన్నారు. కార్యక్రమం సందర్భంగా ఆధ్యాత్మిక వాతావరణం నెలకొంది.

గ్రామ ప్రజలకు అన్నప్రసాదం అందిస్తూ సేవా కార్యక్రమాన్ని నిర్వహించారు. కార్యక్రమానికి స్థానికులు, వివిధ సంఘాల నాయకులు హాజరై నిర్వాహకులను అభినందించారు.

ఈ కార్యక్రమాన్ని కమిటీ పెద్దలు నాయుడు గోపి, అప్పలనాయుడు, శ్రీను, ముసలి నాయుడు, సతీష్ తదితరులు ముందుండి నిర్వహించారు. కార్యక్రమం విజయవంతం కావడానికి సహకరించిన గ్రామ ప్రజలకు నిర్వాహకులు కృతజ్ఞతలు తెలిపారు.