వరంగల్లో పాలిటెక్నిక్ విద్యార్థుల రాస్తారోకో
వరంగల్ / Ntoday News: తమ సమస్యలను ప్రభుత్వం వెంటనే పరిష్కరించాలని డిమాండ్ చేస్తూ పాలిటెక్నిక్ విద్యార్థులు వరంగల్లోని ఎంజీఎం ఆసుపత్రి సమీపంలో రాస్తారోకో నిర్వహించారు. పెద్ద సంఖ్యలో విద్యార్థులు రోడ్డుపై బైఠాయించి నిరసన వ్యక్తం చేశారు.
విద్యార్థుల ఆందోళన కారణంగా ఎంజీఎం ఆసుపత్రి సమీపంలోని ప్రధాన రహదారిపై కొంతసేపు ట్రాఫిక్కు అంతరాయం ఏర్పడింది. తమ సమస్యలపై ప్రభుత్వం తక్షణమే స్పందించి పరిష్కారం చూపాలని విద్యార్థులు డిమాండ్ చేశారు.
తమ సమస్యలు పరిష్కరించే వరకు ఆందోళన కొనసాగిస్తామని విద్యార్థులు స్పష్టం చేశారు. ప్రభుత్వం విద్యార్థుల సమస్యలను పట్టించుకోకుండా వారి జీవితాలతో ఆడుకుంటోందని పలువురు విద్యార్థులు ఆరోపించారు.
అధికారంలోకి రాకముందు నిరుద్యోగులకు రెండు లక్షల ఉద్యోగాలు ఇస్తామని హామీ ఇచ్చి, ఇప్పుడు తమ సమస్యలను పట్టించుకోవడం లేదని విద్యార్థులు ఆవేదన వ్యక్తం చేశారు. ఉద్యోగాల భర్తీతో పాటు విద్యార్థులకు సంబంధించిన సమస్యలపై ప్రభుత్వం స్పష్టమైన చర్యలు తీసుకోవాలని డిమాండ్ చేశారు.
విద్యార్థుల రాస్తారోకో విషయం తెలుసుకున్న స్థానిక పోలీసులు సంఘటనా స్థలానికి చేరుకుని పరిస్థితిని పర్యవేక్షించారు. ఎలాంటి అవాంఛనీయ ఘటనలు చోటుచేసుకోకుండా చర్యలు చేపట్టారు.
