అమెరికాలో ఘోర విమాన ప్రమాదం.. సముద్రంలో కుప్పకూలిన విమానం
24 వేల అడుగుల నుంచి 10 వేల అడుగులకు ఒక్కసారిగా పడిపోయిన విమానం.. విద్యుత్‌ సమస్య తర్వాత ఏటీసీతో తెగిపోయిన సంబంధాలు
మసాచుసెట్స్‌: అమెరికాలోని మసాచుసెట్స్‌ నాన్‌టకెట్‌ తీరంలో జరిగిన విమాన ప్రమాదంలో ఆరుగురు మృతి చెందారు. విమానం 24 వేల అడుగుల ఎత్తులో ప్రయాణిస్తుండగా ఒక్కసారిగా 10 వేల అడుగుల ఎత్తుకు పడిపోయినట్లు సమాచారం. అనంతరం విమానంలో విద్యుత్‌ సమస్య తలెత్తడంతో ఎయిర్‌ ట్రాఫిక్‌ కంట్రోల్‌ (ఏటీసీ)తో సంబంధాలు తెగిపోయినట్లు తెలుస్తోంది.
విమాన ఆచూకీ కోసం అధికారులు సుమారు 66 గంటల పాటు విస్తృతంగా గాలింపు చర్యలు చేపట్టారు. ఈ క్రమంలో సముద్రంలో విమాన శకలాలను గుర్తించినట్లు అధికారులు తెలిపారు.
ప్రమాదంలో మృతి చెందిన వారిలో నలుగురు కెనడాకు చెందిన సిబ్బంది ఉండగా, బెర్ముడాకు చెందిన ఓ మహిళ, ఆమె కుమారుడు ఉన్నట్లు సమాచారం. ప్రమాదానికి దారితీసిన కారణాలపై అధికారులు దర్యాప్తు చేపట్టారు.
విమానం ఒక్కసారిగా భారీగా ఎత్తు కోల్పోవడం, విద్యుత్‌ సమస్య, ఏటీసీతో సంబంధాలు తెగిపోవడం వంటి అంశాలపై దర్యాప్తు సంస్థలు వివరాలు సేకరిస్తున్నాయి.
