అనంతపురం నూతన మేయర్‌ రమేష్‌ గౌడ్‌కు జగన్‌ అభినందనలు

ప్రజలకు నిరంతరం అందుబాటులో ఉండి సమస్యల పరిష్కారానికి కృషి చేయాలి

అనంతపురం: అనంతపురం నగర నూతన మేయర్‌గా బాధ్యతలు చేపట్టిన రమేష్‌ గౌడ్‌ మాజీ ముఖ్యమంత్రి, వైఎస్సార్‌ కాంగ్రెస్‌ పార్టీ అధ్యక్షుడు వైఎస్‌ జగన్‌మోహన్‌రెడ్డిని మర్యాదపూర్వకంగా కలిశారు. ఈ సందర్భంగా రమేష్‌ గౌడ్‌కు జగన్‌ అభినందనలు తెలియజేశారు. మేయర్‌గా ప్రజలకు నిరంతరం అందుబాటులో ఉంటూ, నగర ప్రజలు ఎదుర్కొంటున్న సమస్యలను గుర్తించి వాటి పరిష్కారానికి చిత్తశుద్ధితో కృషి చేయాలని సూచించారు. ప్రజలకు మెరుగైన సేవలు అందించడంతో పాటు నగర అభివృద్ధికి ప్రాధాన్యత ఇవ్వాలని ఆకాంక్షించారు. ఈ భేటీలో ఎంపీ మిథున్‌రెడ్డి, వెంకటరామిరెడ్డి, శైలజానాథ్‌, తలారి రంగయ్య, నరేష్‌కుమార్‌రెడ్డి తదితరులు పాల్గొన్నారు.