ప్రగడవరం పంచాయతీ అధ్యక్ష అభ్యర్థిగా తాళ్లూరి సౌమ్యారెడ్డి ప్రకటన ఉపాధ్యక్ష అభ్యర్థిగా చిలుకూరి సుధీర్‌రెడ్డి నియామకం

ముఖ్య నాయకుల సమావేశంలో అభ్యర్థులను ప్రకటించిన టీడీపీ ప్రధాన కార్యదర్శి జగ్గవరపు ముత్తారెడ్డి

ఏలూరు జిల్లా చింతలపూడి మండలం ప్రగడవరంలో తెలుగుదేశం పార్టీ ఆధ్వర్యంలోని ఎన్డీఏ కూటమి ముఖ్య నాయకుల సమావేశం బుధవారం నిర్వహించారు. ఈ కార్యక్రమానికి ముఖ్య అతిథిగా హాజరైన తెలుగుదేశం పార్టీ ప్రధాన కార్యదర్శి జగ్గవరపు ముత్తారెడ్డి ప్రగడవరం పంచాయతీ ఎన్నికలకు సంబంధించి కూటమి అభ్యర్థులను ప్రకటించారు. ఈ సందర్భంగా ముత్తారెడ్డి మాట్లాడుతూ, ప్రగడవరం గ్రామ పంచాయతీ అధ్యక్ష అభ్యర్థిగా తాళ్లూరి సౌమ్యారెడ్డిని ఎంపిక చేసినట్లు వెల్లడించారు. అలాగే ఉపాధ్యక్ష అభ్యర్థిగా చిలుకూరి సుధీర్‌రెడ్డిని నియమించినట్లు ప్రకటించారు. ఎన్డీఏ కూటమి తరఫున ఈ అభ్యర్థులు ఎన్నికల బరిలో నిలవనున్నట్లు తెలిపారు. ఈ సమావేశంలో కూటమి ముఖ్య నాయకులు, కార్యకర్తలు పాల్గొన్నారు.