జూరాల ప్రాజెక్టు 10 గేట్లు ఎత్తివేత.. దిగువకు భారీగా నీటి విడుదల

ఎగువ ప్రాంతాల నుంచి వరద ఉద్ధృతి పెరగడంతో ప్రియదర్శిని జూరాల ప్రాజెక్టు వద్ద అధికారులు అప్రమత్తమయ్యారు. గురువారం ఉదయం 9.30 గంటల సమయానికి ప్రాజెక్టుకు 80 వేల క్యూసెక్కుల ఇన్‌ఫ్లో వచ్చి చేరడంతో 10 గేట్లు ఎత్తి నీటిని దిగువకు విడుదల చేస్తున్నారు.

ప్రస్తుతం గేట్ల ద్వారా 41,540 క్యూసెక్కుల నీటిని విడుదల చేస్తుండగా, పవర్‌హౌస్‌లో విద్యుత్ ఉత్పత్తి చేస్తూ మరో 41,054 క్యూసెక్కుల నీటిని దిగువకు వదులుతున్నారు. వరద ప్రవాహాన్ని ఎప్పటికప్పుడు పర్యవేక్షిస్తున్న అధికారులు అవసరాన్ని బట్టి గేట్లను సర్దుబాటు చేస్తున్నారు.