కమ్మరి కుంట ఆక్రమణలు తొలగించాలి..

కమ్మరి కుంట ఆక్రమణలు తొలగించాలి.. తాగునీటి బోరు వద్ద చెత్త తొలగించాలని డిమాండ్!

ఏలూరు జిల్లా చాట్రాయి మండలం చిత్తపూరు గ్రామంలోని బొడ్డు రాయి సెంటర్ సమీపంలో ఉన్న కమ్మరి కుంట చెరువును అక్రమంగా ఆక్రమించిన వారిపై వెంటనే చర్యలు తీసుకుని ఆక్రమణలను తొలగించాలని సిపిఐ ఎంఎల్ లిబరేషన్ మండల కార్యదర్శి కలపాల వెంకటేశ్వరరావు అధికారులను డిమాండ్ చేశారు. గ్రామంలో పరిశీలనకు వచ్చిన అధికారుల దృష్టికి ఈ సమస్యలను తీసుకెళ్లారు.

గ్రామంలోని దళితవాడలో తాగునీటి కోసం ఏర్పాటు చేసిన హ్యాండ్ బోర్ పరిసరాల్లో చెత్త పేరుకుపోవడంతో ప్రజలు తీవ్ర ఇబ్బందులు ఎదుర్కొంటున్నారని తెలిపారు. వెంటనే చెత్తను తొలగించి పరిశుభ్రమైన వాతావరణం కల్పించాలని కోరారు. ప్రజల ఆరోగ్యాన్ని దృష్టిలో పెట్టుకుని అధికారులు తక్షణ చర్యలు చేపట్టాలని వెంకటేశ్వరరావు విజ్ఞప్తి చేశారు.