మాదాపూర్ అంజయ్య నగర్లో ఘోరం.. కుప్పకూలిన ఏడంతస్తుల భవనం
మాదాపూర్ అంజయ్య నగర్లో ఘోరం.. కుప్పకూలిన నాలా పక్కన 50 గజాల్లో నిర్మించిన ఏడంతస్తుల భవనం.
హైదరాబాద్ మాదాపూర్ పరిధిలోని అంజయ్య నగర్లో నిర్మాణంలో ఉన్న ఏడంతస్తుల భవనం ఒక్కసారిగా కుప్పకూలింది. నాలా పక్కనే కేవలం 50 గజాల స్థలంలో నిర్మిస్తున్న ఈ భవనం కూలిపోవడంతో తీవ్ర కలకలం రేగింది.
భవనం కూలిన శిథిలాలు పక్కనే ఉన్న అపార్ట్మెంట్పై పడటంతో ఆ భవనం కూడా దెబ్బతింది. సమీపంలోని భవనాల్లో ఉన్న పలువురు భయాందోళనకు గురయ్యారు. కొందరికి గాయాలు కావడంతో వారిని ఆసుపత్రికి తరలించారు.
కేవలం 50 గజాల స్థలంలో ఇంత పెద్ద బహుళ అంతస్తుల భవనం నిర్మాణానికి అనుమతులు ఎలా వచ్చాయంటూ స్థానికులు అధికారులపై ఆగ్రహం వ్యక్తం చేస్తున్నారు. నాలా పక్కనే ఇలాంటి నిర్మాణాలు చేపట్టడంపై ప్రశ్నలు లేవనెత్తుతున్నారు.
ప్రమాద స్థలానికి సహాయక బృందాలు చేరుకుని శిథిలాల తొలగింపు పనులు చేపట్టాయి. ఈ ఘటనపై అధికారులు విచారణ చేపట్టారు.
