విశాఖకు స్వాగతం పలికిన మంత్రి నారా లోకేష్..

పెట్టుబడిదారులకు ప్రత్యేక ఆహ్వానం స్పైసీ ఫుడ్.. స్పీడీ అప్రూవల్స్.. ఇదే ఆంధ్రప్రదేశ్ ప్రత్యేకత

విశాఖపట్నంలో జరగనున్న సీఐఐ భాగస్వామ్య సదస్సు–2026కు రాష్ట్ర ఐటీ, విద్యాశాఖల మంత్రి నారా లోకేష్ స్వాగతం పలికారు. ఈ సందర్భంగా సామాజిక మాధ్యమం ఎక్స్ వేదికగా ఆయన ప్రత్యేక సందేశాన్ని పంచుకున్నారు. విశాఖకు విచ్చేసే ప్రతినిధులు, పారిశ్రామికవేత్తలకు ఆంధ్రప్రదేశ్ తరఫున ఆహ్వానం పలికారు. 'స్పైసీ ఫుడ్.. స్పీడీ అప్రూవల్స్' అనే నినాదంతో రాష్ట్ర ప్రత్యేకతను వివరించారు. ఆంధ్రప్రదేశ్‌లో పెట్టుబడులకు అవసరమైన అనుమతులను వేగంగా మంజూరు చేయడమే ప్రభుత్వ విధానమని పేర్కొన్నారు. వ్యాపారాలు, పరిశ్రమల ఏర్పాటులో వేగంగా ముందుకు సాగాలనుకునే పెట్టుబడిదారులు ఆంధ్రప్రదేశ్‌ను తమ పెట్టుబడుల గమ్యస్థానంగా ఎంచుకోవాలని పిలుపునిచ్చారు. విశాఖపట్నం వేదికగా జరగనున్న సీఐఐ భాగస్వామ్య సదస్సు ద్వారా రాష్ట్రంలో పెట్టుబడుల అవకాశాలను అంతర్జాతీయ స్థాయిలో పరిచయం చేయడమే లక్ష్యంగా ఈ సందేశం ఇచ్చారు.