నూతన వ్యాపార కేంద్రాలను ప్రారంభించిన ఎమ్మెల్యే నాయిని..

నాణ్యమైన వస్త్రాలను అందుబాటు ధరల్లో అందించాలి: ఎమ్మెల్యే నాయిని..

వరంగల్: నాణ్యమైన వస్త్రాలను ప్రజలకు అందుబాటు ధరల్లో అందిస్తూ వినియోగదారుల ఆదరణ పొందాలని వరంగల్ పశ్చిమ ఎమ్మెల్యే నాయిని రాజేందర్ రెడ్డి అన్నారు. వరంగల్ పశ్చిమ నియోజకవర్గ అభివృద్ధితో పాటు వ్యాపార రంగం కూడా మరింత అభివృద్ధి చెందాలని ఆకాంక్షించారు.

వరంగల్ పశ్చిమ నియోజకవర్గ పరిధిలోని నయీమ్ నగర్‌లో నూతనంగా ఏర్పాటు చేసిన SGM కాకతీయ ఫ్యాబ్రిక్, యునైటెడ్ హక్ వస్త్ర షోరూమ్‌లను ఆదివారం ఎమ్మెల్యే నాయిని రాజేందర్ రెడ్డి ముఖ్య అతిథిగా హాజరై ప్రారంభించారు.

ఈ సందర్భంగా ఎమ్మెల్యే మాట్లాడుతూ.. పండుగ వేళ నూతనంగా ప్రారంభించిన వ్యాపార సంస్థలు దినదినాభివృద్ధి చెందాలని ఆకాంక్షించారు. ప్రజలకు నాణ్యమైన వస్త్రాలను అందుబాటు ధరల్లో అందిస్తూ వినియోగదారుల నమ్మకాన్ని, ఆదరణను పొందాలని షోరూమ్ నిర్వాహకులకు సూచించారు.

నూతన వ్యాపార సంస్థల ఏర్పాటుతో స్థానికంగా ఆర్థిక కార్యకలాపాలు మరింత విస్తరించాలని, తద్వారా నియోజకవర్గంలో వ్యాపార రంగం అభివృద్ధి చెందాలని ఎమ్మెల్యే ఆకాంక్షించారు.

షోరూమ్‌ల ప్రారంభోత్సవానికి హాజరైన ఎమ్మెల్యే నాయిని రాజేందర్ రెడ్డికి నిర్వాహకులు కృతజ్ఞతలు తెలిపారు. ఈ సందర్భంగా ఆయనను ఘనంగా సన్మానించారు.