నేపాల్‌లో వరద బీభత్సం.. 1,200 దాటిన మృతులు
ఫ్లాష్‌ ఫ్లడ్స్‌కు భారీ నష్టం.. సహాయక చర్యలు ముమ్మరం
కాఠ్మాండు | Ntoday News
నేపాల్‌లో భారీ వర్షాలు, ఆకస్మిక వరదలు (ఫ్లాష్‌ ఫ్లడ్స్‌) తీవ్ర బీభత్సం సృష్టిస్తున్నాయి. వరదల కారణంగా మృతుల సంఖ్య 1,204కు చేరినట్లు సమాచారం. వేలాది మంది గల్లంతైనట్లు తెలుస్తోంది.
నువాకోట్‌ జిల్లాలోని దేవీఘాట్‌ ప్రాంతంలో వరదల తీవ్రతకు సంబంధించిన డ్రోన్‌ దృశ్యాలు వెలుగులోకి వచ్చాయి. వరద ప్రవాహంతో పలు ప్రాంతాలు తీవ్రంగా ప్రభావితమైనట్లు సమాచారం.
వరద ప్రభావిత ప్రాంతాల్లో నేపాల్‌ సైన్యం, విపత్తు నిర్వహణ బృందాలు సహాయక చర్యలను ముమ్మరం చేశాయి. గల్లంతైన వారి కోసం గాలింపు చర్యలు కొనసాగుతున్నాయి. బాధితులను సురక్షిత ప్రాంతాలకు తరలించడంతో పాటు అత్యవసర సహాయం అందించేందుకు అధికారులు చర్యలు చేపడుతున్నారు.
మృతుల సంఖ్య మరింత పెరిగే అవకాశం ఉందని, గల్లంతైన వారి ఆచూకీ లభించాల్సి ఉందని సమాచారం.
