​నేర నియంత్రణకు ప్రజలు సహకరించాలి: మంచిర్యాల ఏసీపీ ప్రకాశ్

సమాజంలో నేరాల నియంత్రణకు ప్రజలు పోలీస్ శాఖకు పూర్తి స్థాయిలో సహకారం అందించాలని మంచిర్యాల ఏసీపీ ప్రకాశ్ పిలుపునిచ్చారు. సోమవారం నాడు 38వ డివిజన్‌లో 'ప్రజా పాలన ప్రగతి ప్రణాళిక' కార్యక్రమం నిర్వహించారు. ఈ సందర్భంగా ఆయన మాట్లాడుతూ.. ముఖ్యంగా నేటి యువత సైబర్ నేరాల పట్ల అత్యంత అప్రమత్తంగా ఉండాలని, మోసగాళ్ల బారిన పడకుండా జాగ్రత్త వహించాలని సూచించారు.

​అనంతరం కార్పొరేటర్ పూదరి విజయరాణి మాట్లాడుతూ.. డివిజన్ పరిధిలో నెలకొన్న ప్రజల సమస్యలు అన్నింటినీ వీలైనంత త్వరగా పరిష్కరించడానికి ఒక ప్రత్యేక కార్యాచరణను రూపొందిస్తున్నట్లు స్పష్టం చేశారు. ఈ కార్యక్రమంలో బ్లాక్ కాంగ్రెస్ అధ్యక్షులు పూదరి తిరుపతి తదితరులు పాల్గొన్నారు